పీలేరు, జూలై 29(జానం న్యూస్):
మంగళవారం స్థానిక విఎస్ఎన్ సిద్ధార్థ టెక్నో స్కూల్ ఆవరణలో ‘ఏక్ పేడ్ మాకే నాం’ కార్యక్రమం నిర్వహించారు. ఈ కార్యక్రమం వి ఎస్ ఎన్ సిద్ధార్థ విద్యాసంస్థల కరస్పాండెంట్ శ్రీమతి వి. మాధవి గారి అధ్యక్షతన ఉత్సాహభరితంగా జరిగింది. ముఖ్య అతిథిగా స్వర్ణ భారత్ ట్రస్ట్ వ్యవస్థాపకురాలు శ్రీమతి దీప వెంకట్ గారు పాల్గొన్నారు.
కార్యక్రమ ముఖ్యాంశాలు
. దీప వెంకట్ ప్రసంగం:
ఈ సందర్భంగా ఆమె మాట్లాడుతూ –
“స్వర్ణ భారత్ ట్రస్ట్ ద్వారా గత 25 సంవత్సరాలుగా విద్య, ఆరోగ్యం, ఉపాధి రంగాలలో పూర్తిగా ఉచితంగా సేవలు అందిస్తున్నాం. అందులో భాగంగా 15 సంవత్సరాల క్రితం అక్షర విద్యాలయను స్థాపించాం. ఇది గ్రామీణ ప్రాంతాల్లోని పిల్లలకు ఇండియన్ కల్చర్తో పాటు, ఇంగ్లీష్ మీడియం భావంతో, సీబీఎస్ఈ సిలబస్తో నాణ్యమైన విద్యను అందిస్తుంది.
ఆ తర్వాత, ప్రభుత్వం గుర్తించని మరియు చదువు మధ్యలో ఆపివేసిన పిల్లల కోసం ‘స్వర్ణభారత్ విద్యా మందిర్’ను కూడా ప్రారంభించాం. ఇక్కడ విద్యార్థులకు ఉచితంగా 3 నెలలు, 6 నెలలు, సంవత్సరం పాటు వృత్తిపరమైన శిక్షణ ఇవ్వడం ద్వారా వారిని స్వయం సమృద్ధిగా, ఆర్థికంగా స్థిరంగా నిలబడేలా మారుస్తున్నాం. ఇప్పటివరకు సుమారు 1,85,000 మంది యువతకు ఉచిత ఉపాధి శిక్షణను కల్పించాం.
తెలుగు రాష్ట్రాల్లోనే కాకుండా దేశవ్యాప్తంగా ఉన్న అవసరమున్న జనాలకు సహాయంగా ఆరోగ్య శిబిరాలను నిర్వహించాం. దాదాపు 6 లక్షల మంది ప్రజలకు ఉచిత వైద్య సేవలు అందించగలిగాం,” అని వివరించారు.
అంతేకాకుండా, “ప్రతీ విద్యార్థి తన తల్లి లేదా అమ్మ పేరుతో ఓ మొక్క నాటి, దానిని కాపాడాలి. ప్రకృతి రక్షణ మన అందరి బాధ్యత,” అని పిలుపునిచ్చారు.
కార్యక్రమ అధ్యక్షురాలు వి. మాధవి ప్రసంగం:
“సామాజిక సేవలో, సందర్భంగా, లక్షలాది మంది జీవితాల్లో మార్పు తీసుకువచ్చిన దీప వెంకట్ గారు – నూతన మదర్ తెరిస్సా అని అభివర్ణిస్తున్నాను. వారు సమాజానికి ప్రతిస్ఫూర్తి. విద్యారంగంలో, ఆరోగ్య రంగంలో జీవన విధానం మారడంతో పాటు మహిళలకు, యువతకు మార్గదర్శక క్యాంప్స్ నిర్వహించటం గర్వకారణం,” అని ఆమె అన్నారు.
ఫారెస్ట్ రేంజ్ ఆఫీసర్ చంద్రశేఖర్ ప్రసంగం:
“ఆధునిక సమాజంలో అడవుల ప్రాముఖ్యత మరింత పెరుగుతోందని, మన సంవత్సరం వర్షాలు, నీటి వనరులు దెబ్బతిన్నా, జీవ వైవిధ్యం కోల్పోయినా, దాని బాధ్యత మనకే ఉండిపోతుంది. విద్యార్థులు చిన్నప్పుడే మొక్కలు నాటడం, వాటిని పరిరక్షించడం ద్వారా ప్రకృతికి దగ్గరయ్యే అవకాశం కలుగుతుంది. అంతేకాదు, ప్రకృతిని పరిరక్షించడమే భవిష్యత్ తరాలకు మనం ఇచ్చే గొప్ప బహుమతి,” అని తెలిపారు.
కార్యక్రమ విశేషాలు:
కార్యక్రమంలో ఉప విద్యాశాఖ అధికారి లోకేశ్వర్ రెడ్డి, బీజేపీ అసెంబ్లీ కన్వీనర్ పొత్తురు శ్రీకాంత్, బీజేపీ రాష్ట్ర కార్యవర్గ సభ్యులు రమణ, జిల్లా మహిళా ఉపాధ్యక్షురాలు సుధారాణి పాల్గొన్నారు.
పాఠశాల బోధన, బోధనేతర సిబ్బంది, విద్యార్థినీ విద్యార్థులు ఉత్సాహంగా పాల్గొన్నారు.
అనంతరం ఈవెంట్ ప్రారంభోత్సవంగా దీప వెంకట్ చేతులమీదుగా మొక్కలు నాటడం జరిగింది.
విద్యార్థులకు మొక్కలు పంపిణీ చేసి, ప్రతి విద్యార్థి కనీసం ఒక్క మొక్కనైనా నాటి పెంచాలని ప్రతిజ్ఞ చేయించారు.
ముగింపు
ఈ కార్యక్రమం ద్వారా విద్యార్థుల్లో ప్రకృతిపట్ల అవగాహన పెంపొందించడానికి, ఇతరులకు ఆదర్శంగా నిలిచేలా వాటిని కాపాడాలనే మంచి పద్దతిని విద్యాసంస్థలు ఆచరణలో పెడతున్నట్టు స్పష్టం అయింది. సమాజానికి ఉపయోగపడే వ్యక్తులుగా ఎదగాలంటే ప్రకృతి పరిరక్షణ ప్రతి ఒక్కరి బాధ్యత అని, అందులో ప్రతి ఒక్కరూ పాల్గొనాలని నూతన స్పూర్తిని ఈ కార్యక్రమం అందించింది.
